استكشاف الفضاء - تجارب على الكواكب و النجوم
قناة جلاكسيكو هى اول قناة عربية تتناول موضوع الفضاء بطريقة مختلفة، قناة جلاكسيكو ليست قناة لمعلومات الفضاء، قناة جلاكسيكو هي قناة استكشاف للفضاء، وتجارب عملية على الكواكب والنجوم، ويتخلل ذلك بعض المعلومات الفضائية.
في قناة جلاكسيكو بنستكشف النجوم و الكواكب و السُدُم و الثقوب السوداء و المجرات، وكمان بنبحث في الكون الشاسع اللانهائي ده علي كواكب تشبه كوكب الارض و ممكن يكون عليها حياة زي ما نعرفها على الارض، كمان بنستكشف كواكب المجموعة الشمسية عن قرب وبالتفصيل، وبندخل جوة الكواكب ونستكشفها من الداخل ونشوف سطحها عامل ازاي وكمان نشوف غلافها الجوي بيتكون من ايه.
بنسافر في الكون اسرع من سرعة الضوء و بنروح لاماكن بعيدة جدا، وبنمشي مسافات مخك ميقدرش يستوعبها، وبنوصل لحدود معرفتنا بالكون و لحدود الكون حرفيا، وبنستكشف المجرات و الكواكب اللي موجودة علي اطراف الكون المرئي، وبنشوف سوا اروع الاماكن من ابداع الخالق سبحانه و تعالى.
من الاخر كده لو انت بتحب الفضاء والفلك، وعايز تستكشف الكواكب والنجوم والمجرات وتبحر في الكون، يبقى هتدمن قناة جلاكسيكو ⭐